ابنة تلطخ سمعة أبيها!!!
كان في راجل صالح عنده بنت جميلة رباها أحسن تربية وحرم نفسه من حاجات كتيير عشان البنت تكون ف أحسن حال، لكن للأسف البنت مكانتش بتستجيب أبداً ومفيش حاجة وحشة معملتهاش من الصغائر للكبائر وكل المحرمات بل بالعكس كمان كانت بتفتخر وبتعلن فجورها على مرأى ومسمع من الكل بدون أدنى استحياء ... برغم كل اللي عمله الراجل الصالح دة لكن كل حد كان بيشوف تصرفات بنته كان بيظن فيه أنه كان راجل فاسد وبعد موته الناس اللي مشافتهوش بدأت تطاول عليه وتشتم فيه، طبعاً البنت مسكتتش بدأت تدافع عن أبوها الراجل الصالح وتقول أنه كان حد صالح وترفض إساءة الناس ليه، لكنها بردو مغيرتش أسلوبها ولا بدلت فجورها بالإيمان الحق!!!
دة بالضبط مختصر اللي بيحصل دلوقتي، بعد موت نبينا عليه أفضل الصلاة والسلام بعد ما عاش حياة جداً قاسية وعاني ويلات المعارك والألم والفقدان عشان ينقلنا الرسالة ويعلمنا كل أمور ديننا ونصبح أفضل الأمم بقينا بننتسب لدين محمد بالاسم فقط لكن الحقيقة إن الاهواء هي المسيطرة والأخلاق انحلت مبقاش بيحصل غير أننا نعمل زي البنت دي ونقول الا رسول الله ونفعل الهاشتاج لكن مبنفعلش الايمان الحقيقي جوانا ونعمل بيه، العيب الناس بتعمله ألف حساب لكن مبيعملوش أي حساب للحرام بيخافوا لا الناس تاكل وشهم لكن مبيخافوش من غضب ربنا ...انتهى!!!#شيرين_المصري
