يبسُط الرزق لمن يشاء!!!
زميلتي في الشغل كانت الأولى على دفعتها وكان نفسها تتعين معيدة، لكن ينت أحد الدكاترة اتعينت ومكانتش تستحق، زميلتي رفعت قضية ع الكلية وف الآخر بردو متعينتش!!
كان عندي طالب ف كورس جرافيكس معندوش أي إبداع أو حتى ذوق وتنسيق في الألوان أثناء الكورس بدأ يجيب لنفسه شغل وبعد الكورس بكام شهر اتصل بيا و قالي أرشحله ناس يشتغلوا معاه عشان فتح مكتب دعاية وإعلان!!
فُلان تعب طول حياته وكافح كتير وقدم اختراعات تفيد البشرية كلها، والآخر بلده متعرفش عنه أي حاجة، وعلان لا أصل ولا تربية ولا يعرف الألف من الذرة واتعرف على مستوى العالم كله!!!
في النهاية دي أرزاق ربنا بيقسمها، لا أنت ولا انا نقدر نحسبها أو نقدرها، في ناس الرزق بيفسدها، وفي ناس ضيق الرزق بيقتلها، هو اللي خلقنا وهو أدرى بينا من نفوسنا "إِنَّ رَبَّكَ يَبْسُطُ الرِّزْقَ لِمَن يَشَاء وَيَقْدِرُ إِنَّهُ كَانَ بِعِبَادِهِ خَبِيرًا بَصِيرًا". (الإسراء 30)
#شيرين_المصري
ليست هناك تعليقات:
إرسال تعليق