هات وخد!!! - خواطر شيرين المصري

هات وخد!!! من رحمة ربنا بينا إنه خلق كل إنسان عنده شيء مش موجود عند التاني عشان كلنا نتكاتف ونقدر نعيش، وف التعب نسأل على بعض والفرح نساند بعض والحزن نواسي بعض ...!! لكن من تشديدنا على نفسنا إننا نخلق شيء مُقزز اسمه العادات والتقاليد وبنقدسها أكتر من التزامنا بتعليمات ربنا!! يعني ايه زيارتك لمريض وانك تطلعله مبلغ بنية صافية او تديله هدية، تروح بعدها تطلع بيها عينه وتعتبرها دين عليه!! يعني ايه لما تجامل حد ف فرح أو ف مناسبة تحسبها بالورقة والقلم لأ وفي ناس بتوصل بيهم أنهم يروحوا ويطالبوا بالمبالغ اللي دفعوها!!! ف الأول والآخر مفيش شرع ولا دين بيقول أنك تحسب وقفتك وجدعنتك مع الناس ان اعتبرناها جدعنة يعني دين، اللي بيساعد بحاجة مُفترض يطلعها لوجه الله أنت تقدر تطلع مبلغ لفلان يطلع من ذمتك مش قادر خلاص لكن طالما محدش استلف منك فلوس ملكش انك تطلب الرد، شيء سخيف انك تروح انهاردة تدي فلان 100 جنيه اللي عليها توقيع عم شكشك بتاع البويا لحبيبته سنية جُنح وتاني يوم تلاقيها مردودالك ف تعبك فرق كبييييييير بين المشاعر والتجارة صفوا نفوسكم واعملوا الشيء لله وراعوا بعض في حاجات ينفع فيها هات وخد لكن المشاعر مفيهاش أبداً هات وخد فيها اللي عندي واللي هقدر عليه هعمله واللي أنت حاسه هيكون أعظم بكتير من فلوس أو علبة شوكولاتة والا هدية ملهاش أي 30 لازمة وهتزود العبء أنك لازم تكون مُستعد ف أي وقت يحصل مناسبة لغيرك عشان تردها والا ياكلوا وشك، عاملوا ربنا بلاش أصنام الفكر وعاهات التقاليد تسيطر عليكوا!!! #شيرين_المصري

#وعد_الحر!!! خواطر شيرين المصري

 #وعد_الحر!!!

أحدهما وعد حبيبته أن تكون هي الملكة المُدللة ولن يشغله عنها شيء، ولما تزوجوا صار يلعنها ويخونها ويضربها!!!

أحدهما وعد مريض أن يدفع له تكاليف العملية وظل المريض ينتظر حتى مات، اما الأول فقد امره أساساً!!!

أحدهما وعد فُلان أن يوظفه في وظيفة محترمة، وبعد ان تهيأ الثاني ورسم أحلامه ومستقبله على هذه الوظيفة أخبره الأول أنه سيتم تعيين شخص آخر!!!

باختصار إذا لم تستطع الوفاء بالوعد فلا تعد، أحلام الناس ومشاعرهم ليست لُعبة تتسلى بها وقتما تشاء، تلك القلوب المُنكسرة والمشاعر المجروحة والحيوات التي دُمرت بسببك ستكون يوماً من نصيبك!!! #شيرين_المصري

#كأس_الحليب!!! خواطر شيرين المصري

#كأس_الحليب!!!

أثناء رحلتك ف الحياة؛ شئت أم أبيت سيُسكب كأس الحليب الذي تنتظره، ربما يكون كأسك المسكوب هو شخص قريب او عزيز تفتقده، ربما يكون مال تخسره، او عمل تفقده، أو شريك او ولد أو غالي، ربما تكون صحة أو جمال أو عمر يفنى، وربما تخسر عدة كؤوس مرة واحدة!!!

هناك من يظل يبكي على الكأس المسكوب فيضيع العمُر بلا جدوى، وهناك من يُفكر في الحفاظ على كؤوسه المُتبقية وزيادتها فيتناسى سريعاً ما مر به!!!

شئت أم أبيت سيمضى العمر ولن يعود كأسك المسكوب ولكن بالرضى ستكسب كؤوساً أخرى ربما تعوضك بأفضل مما فقدت، وبالصبر سيكون العطاء رائعاً وبالحمد سيُضاعف لك الاجر، فكن راضياً صابراً حامداً تأتيك الدنيا راكعة وتُقبل عليك الآخرة بما لم يُرد على قلبك يوماً!!!#شيرين_المصري

#صورة_حية - خواطر شيرين المصري

 #صورة_حية

الصورة

أحدهم يتبرع بشكل دوري لمؤسسات رعاية الأيتام والمسنين، يُساهم في بناء مساكن لمحدودي الدخل والمساجد.

والآخر لا يهتم أبداً بالفقراء ولم نراه مرة يُطعم مسكيناً رغم يُسر الحال.

الحقيقة:

الأول رجل أعمال فاسد يستورد صفقات أغذية فاسدة ويبيعها بمبالغ معقولة، بنى ثروته من الفساد والرشوة والابتزاز، يدفع جزء من أرباحه شهرياً في الاعمال الخيرية التي يُصر على تصويرها وإعلانها كي يبني شعبية وثقة ويظل رقم 1 لدى الجميع.

الثاني: رجل صالح لا تعلم يُسراه ما تنفق يُمناه، يرفض نشر أو إعلان أياً من أعماله فهو يرجو الأجر والثواب من الله.

الخُلاصة: ليس كل ما تراه حقيقة ولا كل ما يعتقده الناس عنك هو حقيقتك، فكفوا عن محاكمة الغير، ولا تنظرون لأنفسكم في مرايا الآخرين!!! #شيرين_المصري

#علموا_بناتكم - خواطر شيرين المصري

 #علموا_بناتكم

علموا بناتكم أمور دنياهم وفقهوهم في أمور دينهم، بدلاً من تعليمهم الطبخ والكنس ... أي فتاة يمكنها بأقل مجهود تعُلم هذا ولكن لا يمكنها أن تكون انسانة سوية بدون تعلم وإدراك أمور دينها ودنياها، لا تربوها لتكون خادمة بل ربوها لتكون إنسانة!!

اشملوا بناتكم بالرعاية والحنان فلا تحتاج للارتماء بأحضان الضلال بحثاُ عن مأوى!!

علموا بناتكم أن الله يشملهم برعايته ولو تخلى عنهم الجميع، ولا تعلموهن أنهم سينكسرن إن مات أبيهم، أو يمزقهن الزمان إذا لم يتزوجن!!

#شيرين_المصري

Dalia G

التعليقات

#أنا_حبيبة_محمد!!! - خواطر شيرين المصري

 #أنا_حبيبة_محمد

من فترة طالعة موضة للبنات تكتب اسمها ع الفيس أنا حبيبة فلان، او أنا خطيبة فلان، ويوم ما تغير الستاتس بتاعتها ع الفيس وتكتب مرتبطة تلاقي ستلاف لايك نازلين عليها دي لو رايحة تجح مش هتلاقي الإعجاب دة كله!!!

زمان لما الرسول -صل الله عليه وسلم- مات فضلت السيدة عائشة اللي كانت لسة ف ربيع عمرها تعلم المسلمين أمور دينهم وتنقل عنه الأحاديث لحد لما ماتت، ودي كانت حكمة من ربنا أنها تتجوز ف سن صغير عشان تتربى ف بيت النبوة وتتشبع منه.

السيدة مريم العذراء وهبت حياتها لعبادة ربنا وكان من نسلها نبي الله عيسى.

سميرة موسى نموذج فخر للمرأة المصرية حاصلة على دكتوراة في الأشعة السينية، بسبب نبوغها المبكر كانت مدرستها بتتلقى الإعانات، شاركت في العديد من المشاريع الاجتماعية والانسانية.

مفيش واحدة منهم غيرت اسمها قدموا كتير للبشرية واسمهم خلده التاريخ، لكن أنتي ياللي بتمسحي اسمك باستيكة عشان حد حبتيه ازاي ترضيها لنفسك انك تعيشي نكرة ف الوقت اللي ربنا ميزك بيه عن باقي الكائنات وبئا ليكي اسم نعرفك بيه، وليكي كيان مجتيش الدنيا بس عشان تحبي أو تتحبي ... انتهى!!! #شيرين_المصري

مصاصي الطاقة - خواطر شيرين المصري

 #مصاصي_الطاقة

ف حياتك ناس كتير بيحبطوك سواء كان بقصد او بدون قصد، منهم حد عنده كل حاجة ومع ذلك مش عاجبه أي حاجة دايماً شايف نفسه ضحية وحياته مستحيلة، مهما تديله ف حلول بردو مبيسمعش طول الوقت بيشتكي وبس!!!

حد تاني كل ما تيجي تعمل حاجة جديدة أو تطور ف نفسك يقولك مش هتقدر ، لأ بلاش مش هتعرف، شوف فلان عملها وفشل، وعلان ضيع عمره وموصلش!!!

حد تالت لطيف وظريف طول اليوم عاوك معاه ف اللاشيء مبيعملش أي حاجة غير أنه يفضل يرغي وحياته فاضية وتافهة!!!

حد رابع شايف نفسه بخبرته وعلمه هيختارلك طريقك، فدايماً يدفعك للأمام بس للأسف بيدفعك ف الطريق اللي هو يقدر ينجح فيه مش الطريق اللي انت هتحقق ذاتك فيه!!!

حد خامس بيرشدك لطريق الهداية بس مش مراعي انك ف المستوى الأول ولازم تتدرج عشان تحس حلاوة الإيمان أسلوبه قاسي وبيستخدم الترهيب أكتر من الترغيب خلاك تحس أنك كافر ومفيش فايدة منك!!!

كل دول موجودين بشكل أو بآخر ف حياتك بيستنزفوا الطاقة الإيجابية جواك، وأنت مش واخد بالك بتحس كل يوم حماسك بيقل وكأنهم حقنوك بفيروس ملوش علاج ... الناس دي قلل علاقتك بيهم تدريجي لحد ما تقطعها لو مفيش بينكم صلة قرابة، متاخدش بكلامهم ولا تفكر فيه لأنك باختصار لو سمعتلهم هيجي عليك اليوم اللي تكون حد منهم وتزيد جماعة مصاصي الطاقة فرد جديد!!! #شيرين_المصري

وجودك في حياة الآخر - خواطر شيرين المصري

 نظل نكرة في حياة بعضنا البعض حتى يموت أحدنا، فيصبح معرفة!!!#شيرين_المصري

رسولنا قدوتنا - خواطر شيرين المصري

 #رسولنا_قدوتنا

لم يكن النبي صل الله عليه وسلم حاملاً شهادة جامعية او حتى تلقى أي قدر من التعليم، ولكنه كان على خلق عظيم، علمه شديد القوى فصار يشرح للناس أمور الدين والدنيا حتى صار قائد الأمة وأعظم شخصية على مر التاريخ.

وصرنا جميعاً نقتدي به!!! نعم نقتدي به حقاً نحاول بشتى الطرق تعليم ابناءنا اللغات وننسى تعليمهم القرآن، نتباهى بالحاق ابناءنا مدارس أجنبية وحصولهم على شهادات الطب والهندسة والدكتوراه والماجستير وننسى أن لا فضل لعربي على أعجمي إلا بالتقوى وننسى أيضاً أن الناس سواسية كأسنان المشط!!

نتباهى إن أتم أحدنا حفظ القرآن وننسى أن الأصل هو العمل بالقرآن وفهم معانيه حتى يصير حجة لنا لا علينا!!

لا نسمع الآذان من صخب الأغاني ولا نعرف مواعيد الصلاة لأن أغلبنا للأسف يؤجلها ليصليها مرة واحدة كل الفروض في آخر اليوم بحجة أنه لا وقت للصلاة في العمل!!

ندعي أننا نعلم ابناءنا الصدق ولكننا نخبرهم أن يقولوا كذباً أننا غير موجودين إذا سأل فلان عنا أو رن جرس الهاتف!!

نحاول أن ننصح فلان لنصلح حاله ولكننا نعنفه بأبشع الطرق ونواجهه بأخطائه أمام الآخرين فنفضحه بدلاً من أن ننصحه وننفره منا ومن الدين كله!!

ننصب أنفسنا قضاة وننسى أننا ممتلئين بالعيوب فنسب فلان ونشتم علام ونتضجر طيلة أيام الصيام كأننا نحمل عبء مكرهين عليه مع ان الصيام هو صيام عن المعاصي قبل ان يكون امتناع عن الطعام والشراب!!

نحب رسولنا حقاً ونحب ديننا بحق ولكننا نحتاج لوقفة حقيقية نرى فيها عيوب أنفسنا ونصلحها ونعدو لقدوتنا فنصبح حقاً أمة محمد وليس أمة ضحكت من جهلها الأمم!!! #شيرين_المصري